Op Vrydag, 22 September 2023 het die matrieks van 1958 hul 65-jaar-reünie gevier. Die groep is hartlik deur die rektor mnr. André van Staden in die Mediasentrum verwelkom en toegespreek. Heerlike verversings is deur Helene van Wyk verskaf waarna hul deur mnr. Dorfling Terblanche op ‘n skoolbesigtigingstoer geneem is. Die besonderse groep manne onder leiding van prof. James Joubert het ‘n watertand-middagete by Markötter Sportsentrum geniet. Die res van die middag het hulle almal saam by Babylonstoren gekuier en die aand gesellig afgesluit by die Volkskombuis restaurant.
