PRG Old Boys

Vyftig jaar later kuier klas van 1972 saam

Vytig jaar later trek die 1972-klas saam tydens die naweek van die Massa-reünie. En terselfdertyd het hulle sommer die kans benut om met van met hul Bloemhof-maats van 1972, sommiges was selfs saam in Sub A in die ou Bloemhof laer in 1961 (foto bo), in die Botaniese tuin van die Universiteit te vergader.

‘n Klompie van dié manne kom al van Sub A af saam. Dalk herken jy hulle op die klasfoto heelbo.

Hier is ‘n paar foto’s van die geleentheid:

Helderberg-Polla behaal beste opkoms nog

Helderberg-Polla doen dit weer deur in Juniemaand die beste opkoms vir ‘n Polla aan te teken. Sowat tagtig Old Boys het by Laerskool De Hoop saamgekuier.

Bosman di Ravelli, pianis van weleer

Vere Bosman di Ravelli was die naam wat Jan Gysbert Hugo Bosman, waarskynlik ‘n matrikulant van 1898 aan die toenmalige Stellenbosch Gimnasium, aangeneem het toe hy die eerste gebore Suid-Afrikaner word om as pianis erkenning in die buiteland te verwerf.

Vandag het hy amper vergete geraak, in so ‘n mate dat die samestellers van die Paul Roos 150-feesboek, nie eers na hom verwys nie.

Het jy geweet: Semper Skoolkoerant

In Memoriam

Vir ons Old Boys is dit altyd hartseernuus om van die afsterwe van iemand uit ons geledere te verneem. Maar ons weet dat die dood ŉ onvermydelike deel van ons aardse bestaan is.

We would like to pay tribute to the following members of our fraternity who shared our hallowed school grounds with us and contributed in some or other way to the memories many of us treasure

Geliefde onderwyser van die tagtigs gaan heen

‘n Groot hartseer vir menige Old Boy van die jare tagtig was die heengaan van die oudonderwyser, John Malan.

Onthou, ek was in Paul Roos op skool!

Jean du Rand skryf oor haar pa, Ian Walls:

Hy is op Maandag 18 April 2022 oorlede na ‘n aaklige, baie pynlike kankerlyding. Sy roudiens is op Dinsdag 26 April vanuit die NG Kerk Suiderstrand in die Strand gehou.

Wes-Kaapse en SA kleure vir biathle-atlete

Ses PRG-atlete (op foto) het die Wes-Kaap by vanjaar se nasionale biathle- en triathle-kampioenskapsbyeenkomste verteenwoordig.

Hulle is (van links) Mattijs Machtelinckx (o.17), Luke Morton (o.15), Peter Boyes (o.19) Coenie van Vuuren (Meesters), Wilan Basson (o.17) en Benjamin van Onselen (o.19).

OSU: 3 Jaar en Lewenslangeopsies

Die Oudskoliere-Unie (OSU) is in 1926 gestig, maar het in 1961 begin om ‘n noemenswaardige rol in die skool se werksaamhede te speel. Die komitee het toe bestaan uit twaalf lede onder voorsitterskap van Piet Myburgh. ‘n Grondwet is in 1963 opgestel. ‘n Oudskoliere-das is onder meer beskikbaar gestel en dit was die begin van ‘n ou tradisie.

Aanpassing met die tyd

In hierdie eerste kwartaal van 2022 het daar ‘n paar goed by ons Alma Mater en ook elders gebeur wat ‘n mens laat besef dat al verander dinge hoe kwaai, dit goed is om jou wortels stewig geanker te hê.

Chairman’s Report / Voorsittersverslag

Met die eerste kwartaal van die nuwe akademiese jaar agter die rug, word die hoop onder die skoolseuns, onderwysers, ouers en ons (as Old Boys) al hoe groter dat 2022 die jaar gaan wees waarin die neerdrukkende Covid-19-maatreëls opgehef word. Ons het al reeds groot verligting met die oopstel van skoolgebeure en sportgeleenthede gesien.

PRG se nuwe Junior Sokkerakademie gewild

Sokker by Paul Roos Gimnasium gaan van krag tot krag. Deelname aan die Junior Sokkerakademie wat op Maandag 31 Januarie en Dinsdag 1 Februarie 2022 geloods is, het binne enkele weke verdubbel.

Alex Aldrich ontpop as rugbyspeler op Harvard

Alex Aldrich (2018) het verlede jaar toelating gekry om aan die Harvard Universiteit in Cambridge, Massachusetts, in die VSA te gaan studeer. Hy het reeds die tweede jaar van sy MBChB-studies aan die Universiteit Stellenbosch afgehandel toe hy op ’n dag besluit het om aansoek te doen by Harvard – en toe bo verwagting toelating kry.

Harvard is die oudste instituut vir tersiêre onderrig in die Verenigde State en een van die toonaangewendste ter wêreld.

Alex was ’n prefek by Paul Roos en was bekend vir veral sy bydrae tot kultuur op die kampus – hy was ’n ywerige debatteerder, het musiek as vak geneem en in die koor gesing.

By Harvard kry hy deesdae tyd om te midde van ’n oorvol akademiese program rugby te speel!

Kontraste belig in militêr se digbundeldebuut

Op 27 Februarie is die krygskundige Louis du Plessis (1963) se eerste digbundel Teen Helderberg by die Rupertmuseum in Stellenbosch bekend gestel.

Van sy 1963-klasmaats was by die geleentheid. Op die foto hierbo staan van links: Theo Mey, Louis du Plessis, Johan de Beer en Manie van Zyl.

Lenteloop vanjaar weer in Assegaaibosch / Jonkershoek

Maak seker jy teken nou al die datum aan van vanjaar se Lenteloop: Saterdagoggend 24 September. Na verlede jaar se goeie opkoms toe die Lenteloop na vyftig jaar herleef het, is besluit dat dit voortaan jaarliks gehou sal word.